Nikhat ah Cawhnuk zuartu ngaknu pakhat cu, Cawhnuk ka zuar lai tiah Cawhnuk um kha a lu ah aa khinh i khuachung lei ah a kal. A kalpah ah cun hitihin saduh a that. Hi ka Cawhnuk zuarmi man hin Arti tampi ka cawk lai. Cu Arti cu ka keuhter lai i ar tampi ka hmuh lai. Mah tangka cun hni ttha le puan dawh kaa cawk hna lai. Cu ka cawkmi thilpuan cun ka thuam lai i pumhnak le pui kip ah ka chuak lai. Thlahlawh tampi a eimi tlangval nih an ka duh lai. Va ttha ka tong lai i, nun nuam ngaingai in ka um lai, tiah a ruah. Mah bantukin a lungchung i saduh a thahmi cu aa lawmtuk i, ''Hi bantukin ka ban ka vawr hnga i ka lu ka lei hnga,'' a ti i lulei ban vawr pah cun a kal i a lu cung i a Cawhnuk um cu a tla i a tle dih.
Cucaah, ''Na ar an keuh hlanah va rel hna hlah; Sachunh hlanah chawl va phah hla u,'' Tiah pupa bia a um.
Hi tuanbia hi' Lai Tang Li Cauk chung ta a si. Arel mi cung ah kan ni lawm.
Comments